Ես Պուտինի տրոյական ձին չեմ. Մարին Լե Պեն

Ֆրանսիայի նախագահի թեկնածու՝ ծայրահեղ աջ «Ազգային միավորում» կուսակցությունից Մարին Լը Պենը հայտարարել է, որ ինքը Ռուսաստանի նախագահ Վլադիմիր Պուտինի տրոյական ձին չէ։ Լը Պենն այս մասին ասել է France Inter ռադիոկայանի եթերում՝ պատասխանելով հարցին, թե արդյոք իրեն կարելի է անվանել «Պուտինի տրոյական ձի»։

«Ես ոչ մեկի տրոյական ձին չեմ: Ես կողմ չեմ պատժամիջոցների վերացմանը: Ես դեմ եմ այդ պատժամիջոցներին, որոնք վերաբերում են էներգետիկ ոլորտին, քանի որ չեմ ցանկանում, որ ֆրանսիացիները բացասական հետևանքների առջև կանգնեն»,- Լե Պենի խոսքը մեջբերում է «ՌԻԱ Նովոստի»-ն: 

Ավելի վաղ Լը Պենը հայտարարել էր, որ դեմ է ռուսական հումքի դեմ պատժամիջոցներին, ինչպես նաև ռուսական գազի, նավթի և ածուխի մատակարարումների էմբարգոյին։