Ռուսաստանը բարձր մակարդակի ահաբեկչական սպառնալիք է սահմանել Ուկրաինայի հետ սահմանին

Ռուսաստանի Դաշնության Կուրսկի շրջանի վարչակազմը ապրիլի 11-ից կհայտարարի տարածաշրջանում ահաբեկչական սպառնալիքի բարձր մակարդակի մասին։ Այս մասին կիրակի հայտնել է շրջանի նահանգապետ Ռոման Ստարովոյտը Telegram-ի իր ալիքում։

Հաղորդագրության համաձայն՝ այս քայլը կապված է ուկրաինական կողմից հնարավոր սադրանքների հետ։

«Ուկրաինացի ազգայնականների կողմից հնարավոր սադրանքների հետ կապված՝ ապրիլի 11-ից Կուրսկի շրջանում կմտցվի ահաբեկչական սպառնալիքի դեղին (բարձր) մակարդակ։ Սա սահմանված սանդղակի երկրորդ մակարդակն է»,- ասել է Ստարովոյտը:

Ավելի վաղ նահանգապետը հայտարարել էր Ուկրաինայի և Կուրսկի շրջանի սահմանային կետի ականանետային գնդակոծման մասին։