ԱՄՆ պետքարտուղարությունն աջակցել է Թուրքիային F-16 ինքնաթիռների վաճառքին

Թուրքիային F-16-ների հնարավոր վաճառքը բխում է Վաշինգտոնի շահերից․ ասվում է Պետդեպարտամենտի՝ ԱՄՆ Կոնգրեսին ուղղված նամակում։

CNN Turk-ը հայտնում է, որ, «ըստ ստացված վերջին լուրերի, նամակում ընդգծվում է, որ Թուրքիային F-16-ների պոտենցիալ վաճառքը կբխի ԱՄՆ ազգային անվտանգության շահերից»։

Պետքարտուղարության կարծիքով՝ չնայած Թուրքիայի հետ ԱՄՆ-ի լարված հարաբերություններին, Ուկրաինայի հետ նրա պաշտպանական կապերը «կարևոր զսպող գործոն են տարածաշրջանում վնասակար ազդեցության դեմ»: ԱՄՆ վարչակազմը կարծում է, որ Թուրքիան արդեն «զգալի գին է վճարել» Ս-400-ների գնման համար։

Միաժամանակ, նամակը չի պարունակում F-16 կործանիչների հնարավոր վաճառքի երաշխիքներ կամ պայմաններ։ Նշվում է, որ ԱՄՆ իշխանությունները Թուրքիայի հետ պաշտպանական կապերը կարեւոր են համարում ՆԱՏՕ-ի եւ ամերիկյան ազգային անվտանգության համար։