Ալիևը ստորագրել է «Արևելյան Զանգեզուրի» և Նախիջևանի միջև Իրանով տրանսպորտային հաղորդակցության հուշագիրը

Ադրբեջանի նախագահ Իլհամ Ալիևը հաստատել է «Ադրբեջանի և Իրանի կառավարությունների միջև Ադրբեջանի Արևելյան Զանգեզուր տնտեսական շրջանի և Նախիջևանի Ինքնավար Հանրապետության միջև տրանսպորտային նոր կոմունիկացիաների ստեղծման մասին հուշագիրը: Այս մասին գրում է interfax.az- ը։

Համապատասխան հրամանագրի տեքստը հրապարակվել է երեքշաբթի:

Բաքուն եւ Թեհրանը 2022 թվականի մարտի 11-ին Ադրբեջանա-իրանական տնտեսական, առեւտրական եւ հումանիտար համագործակցության միջկառավարական հանձնաժողովի 15-րդ նիստի արդյունքում հուշագիր են ստորագրել Ադրբեջանի Արեւելա-Զանգեզուրյան տնտեսական շրջանի եւ Նախիջեւանի Ինքնավար Հանրապետության միջեւ Իրանի տարածքով տրանսպորտային հաղորդակցության ստեղծման մասին:

Հուշագրի նպատակն է կառուցել նոր երկաթուղային և ավտոմոբիլային հաղորդակցություն Նախիջևանից, ինչպես նաև կապի և էլեկտրամատակարարման գծեր Իրանի տարածքով: Այդ նպատակին հասնելու համար նախատեսվում է կառուցել չորս կամուրջ Արազ գետի վրա, այդ թվում երկու ավտոմոբիլային (55կմ) և երկու երկաթուղային: