Թբիլիսին վրդովված է Կիևի վերջին մեղադրանքներից

Նախօրեին ուկրաինական հետախուզությունը հայտնել էր, թե Ռուսաստանը, իբր, փորձում է կազմակերպել պատժամիջոցների տակ գտնվող ապրանքների մատակարարում Վրաստանի տարածքով, բացի դրանից՝ դիտարկվում է երկրների միջև ուղիղ չվերթերի վերականգնման հնարավորությունը։

Վրաստանի խորհրդարանական մեծամասնությունն այս մեղադրանքները որակել  է որպես սուտ եւ ապատեղեկատվություն։ 

«Տեսնենք, թե պատերազմի կուսակցության (Միացյալ ազգային շարժման) քանի առաջնորդ և հիբրիդային պատերազմի քանի զինվոր կընտրեն դավաճանության նոր ձև և կհամաձայնեն սեփական հայրենիքի դեմ չլսված, նողկալի մեղադրանքին»,- ասել է իշխող «Վրացական երազանք» կուսակցության քարտուղար Մամուկա Մդինարաձեն: