Ինչո՞ւ չռմբակոծեցին Թբիլիսին

Մուամար Քադաֆիի վարչակազմի պաշտոնյաներից մեկը արեւմտյան երկրներին մեղադրել է երկակի չափորոշիչներ կիրառելու մեջ:

«Արգումենտի ի ֆակտի» թերթին տված հարցազրույցում լիբիական իշխանությունների ներկայացուցիչը հայտարարել է, որ միջազգային կոալիցիան հերթական անգամ ապացուցեց` «Արեւմուտքը թքած ունի բարեկրթության վրա»:

«2008 թվականին մի փոքր պետություն սկսեց դաժանաբար ոչնչացնել իր ապստամբներին: Նրանց պաշտպան կանգնեց մի մեծ պետություն: Բոլորն այդ երկրին խարանեցին, դատապարտեցին, բողոքեցին նրա «ագրեսիայից»: Ճանաչեցի՞ք: Ես Ռուսաստանի ու Վրաստանի պատերազմի մասին եմ խոսում: Սակայն հենց Լիբիայում նմանատիպ իրադրություն ստեղծվեց, ամերիկացիներն անմիջապես ապստամբների կողմն անցան: Ինչո՞ւ նրանք այն ժամանակ չռմբակոծեցին Թբիլիսին»,- հարց է տվել Քադաֆիի պաշտոնյան:

Նա հայտարարել է, որ Քադաֆիին մեղադրում են, թե 8 հազար մարդ է սպանել, բայց ոչ ոք 20 դիակ անգամ չի ներկայացրել: Այլ բան են կոալիցիայի ռմբակոծումների հետեւանքով առաջացած եղբայրական գերեզմանները: «Քադաֆիի վայրագություններից ոչ ոք չէր լքում Լիբիան, մինչդեռ ՆԱՏՕ-ի ռմբակոծումներից փախչում են հազարավոր մարդիկ»,- շեշտել է լիբիացի պաշտոնյան: