Գերմանիան պատրաստ չէ Ռուսաստանի նկատմամբ էներգետիկ էմբարգո կիրառել

Գերմանիան պատրաստ չէ Ռուսաստանի նկատմամբ էներգետիկ էմբարգո կիրառել. Բունդեսթագում հայտարարել է Գերմանիայի տնտեսական հարցերի և կլիմայի պաշտպանության նախարար Ռոբերտ Հաբեկը։

Նրա խոսքով՝ Գերմանիայի կառավարությունն ակտիվորեն աշխատում է էներգիայի աղբյուրների դիվերսիֆիկացման ուղղությամբ՝ Ռուսաստանից էներգետիկ կախվածությունը վերացնելու համար։

«Մենք այլևս երբեք այնքան կախված չենք լինի էներգիայի մեկ մատակարարից (Ռուսաստանից), որքան այսօր: Սակայն Գերմանիան դեռ պատրաստ չէ Ռուսաստանի նկատմամբ էներգետիկ էմբարգո կիրառել։ Էմբարգոն կվտանգի Գերմանիայի էներգետիկ անվտանգությունը»,- ասել է գերատեսչության ղեկավարը։

Ռուսական ներմուծման բաժինը Գերմանիա գազի մատակարարման մեջ կազմում է մոտ 55 տոկոս, հում նավթինը՝ 35 տոկոս, ածխինը՝ 45 տոկոս։