Հունաստանը կշարունակի պնդել, որ Թուրքիայի նկատմամբ զենք մատակարարելու էմբարգո սահմանվի

Հունաստանը կշարունակի պնդել, որ Թուրքիայի նկատմամբ զենք մատակարարելու էմբարգո սահմանվի. հայտնում է Greek Military Portal–ը։

Աթենքի հիմնական գլխացավը գերմանական Type 214 սուզանավն է, որը պետք է հավաքվի Թուրքիայում: Եվ՛ Միցոտակիսը, և՛ Դենդիասը բազմիցս քննարկել են այս հարցը Անգելա Մերկելի հետ:

Այնուամենայնիվ, Բեռլինը (և ոչ միայն Բեռլինը) չի ցանկանում էմբարգո սահմանել՝ հնարավոր տնտեսական կորուստների պատճառով: Հույներն այդ վախերն անհիմն են համարում։

Ֆրանսիայի արտաքին գործերի նախարարի՝ եվրոպական հարցերով պետքարտուղարը բացատրում է, որ հոկտեմբեր ամսից Անկարային «հնարավորություն է տրվել որոշելու՝ համագործակցել կամ շարունակել ագրեսիան»:

Այս շաբաթ Բրյուսելում տեղի կունենա ԵՄ գագաթնաժողով, որի ընթացքում Միցոտակիսը կրկին կփորձի համոզել հավաքվածներին՝ պատժամիջոցներ կիրառել դեռ չկողմնորոշված Թուրքիայի դեմ: