ԱՄՆ-ը նոր պատժամիջոցներ է սահմանել Չինաստանի դեմ. Պեկինը սպառնացել է պատասխանել

Չինաստանի իշխանությունները պատրաստ են հայելային հակաքայլեր ձեռնարկել ԱՄՆ-ի դեմ չինացի պաշտոնյաների դեմ ԱՄՆ նոր պատժամիջոցների համար և Վաշինգտոնին համարում են «աշխարհում մարդու իրավունքների հիմնական ոտնահարողը»։ Այս մասին հայտարարել է Չինաստանի ԱԳՆ պաշտոնական ներկայացուցիչ Վան Վենբինը։

Ավելի վաղ ԱՄՆ պետդեպարտամենտը հայտարարել էր վիզաների սահմանափակումների մասին չինացի մի քանի պաշտոնյաների նկատմամբ։ Պաշտոնյաները մեղադրվում են Չինաստանում և դրա սահմաններից դուրս մարդու իրավունքների ոտնահարման և կրոնական ու էթնիկ փոքրամասնություններին ճնշելու մեջ։

«Մենք խստորեն բողոքում ենք այս պատժամիջոցների դեմ, որոնք կոպտորեն խախտում են ՉԺՀ-ի ինքնիշխանությունը: Աշխարհում մարդու իրավունքների ամենամեծ ոտնահարողը Միացյալ Նահանգներն է... Եթե չինացի պաշտոնյաների դեմ այս պատժամիջոցները չչեղարկվեն, մենք հայելային պատասխան կտանք»,– Վենբինին մեջբերում է ՏԱՍՍ–ը։