Չկա հիմնավորում, որը կարող է իրավաչափ դարձնել Նարեկ Մանթաշյանի կալանավորումը. պաշտպան

Դատարանի այս որոշումը ողջունելի է, բայց այն նորմալ է, ընդամենը հիմքերի բացակայություն էր առկա: Նարեկ Մանթաշյանի գործով դատական նիստից հետո լրագրողների հետ ճեպազրույցում ասաց պաշտպան Ալեքսանդր Կոչուբաևը՝ անդրադառնալով դատարանի որոշմանը, որով հանվում է արգելանքը տեսակցությունների և հեռախոսազանգերի:

«Արդեն երեք ամիս այս գործիքով ընդամենը խղճուկ փորձ էին անում ճնշել Մանթաշյանին, բայց բարեբախտաբար նրա դատավարություններն այնքան շատ են, որ տեսակցություններն իր ընտանիքի անդամների, ընկերների հետ ակամայից լինում են: Սա ողջունելի էր, բայց այդքան շատ էին գործերը, որ այդ շփումները պարբերաբար էին, այս առումով տեղ չհասավ ճնշման այդ փորձը»: