ՏԵՍԱՆՅՈՒԹ․ Մեզ համար գոյաբանական նշանակություն ունի Նովոռոսիայում կատարվողը․ Ջամալյան

Ռուսաստանի ուժերի առաջխաղացումը դանդաղ է, բայց հաստատուն՝ ըստ Yerkir.am-ի ասաց ռազմական փորձագետ Դավիթ Ջամալյանը ՀՀ-ում ՌԴ դեսպանատան առջև ակցիայի ընթացքում, որը կազմակերպվել էր ռուս-ուկրաինական հակամարտության ժամանակ Ռուսաստանին սատարելու նպատակով։  

«Առաջիկա շաբաթներին՝ առավելագույնը մեկ-երկու ամսում, ռազմական գործողությունների ակտիվ փուլը կավարտվի․ Ռուսաստանի համար հաջող ելքն ուղղակի անխուսափելի է։ Պարզապես քանի որ խնդիրն այն է, որ պետք է խաղաղ բնակչությանն առավելագույնս հեռու պահել ամեն հնարավոր աղետներից, և միևնույն ժամանակ սեփական շարքերում կորուստները նվազագույնի հասցնել, հետևաբար, Ռուսաստանի ուժերի առաջխաղացումը դանդաղ է, բայց հաստատուն»,-ասաց Դավիթ Ջամալյանը։

Նա նշեց՝ այն, ինչ հիմա տեղի է ունենում Նովոռոսիայում ռուսական պետականության համար ունի գոյաբանական նշանակություն։

«Առանց չափազանցության գոյաբանական նշանակություն ունի նաև մեզ համար, որովհետև այն աղետը, որ մեր գլխին բերվեց 44-օրյա պատերազմի տեսքով՝ գշագրվել և իրականացվել է այն նույն ուժային կենտրոնների կողմից, որոնք Ուկրաինան տարիներ շարունակ վերածել են անտիռոսիայի»,-ասաց ռազմական փորձագետը։

Մանրամասն՝ տեսանյութում․