ՏԵՍԱՆՅՈՒԹ. Չկար մի հանձնարարություն, որ Ռոստը տար՝ զինվորներն անվերապահորեն չկատարեին

«Մոսկվա» կինոթատրոնում երեկ երեկոյան տեղի ունեցավ  ՀՅԴ մարտիկ, 2020 թ. Արցախյան ազատամարտի նահատակ, ավագ լեյտենանտ Հակոբ Ռոստոմյանին  նվիրված` ռեժիսոր Սամվել Թադեւոսյանի «ՌՈՍՏ» ֆիլմի պրեմիերան։ Ֆիլմը համալրում է «Խոնարհ հերոսներ» ֆիլմաշարը՝ 30-րդ ֆիլմն է:

Հակոբ Ռոստոմյանի մարտական ընկեր Վահե Առաքելյանը, որին վիճակվել էր հերոսի մարտական ուղին ներկայացնելու պատիվը, ասաց, որ Ռոստն իր գիտելիքներով փայլում էր մարտի դաշտում: Նա հատկապես փայլուն կատարել է իրեն տրված հանձնարարությունները 2014թ.օգոստոսյան դեպքերի ժամանակ՝ խոցելով հակառակորդի մի շարք կրակակետեր, շարժական տեխնիկա եւ կենդանի զինուժ:

«Ռոստը շատ հոգատար էր իր զինվորների նկատմամբ՝ նրանց համարելով իր երեխաները: Այս վերջին  պատերազմի ժամանակ, երբ մեկնում էր ռազմաճակատ, իրեն հարցրին՝ ինչո՞ւ ես գնում, ասաց. «Բա իմ էրեխեքին ո՞վ տիրություն անի»: Մենք Ռոստից շատ բան ենք սովորել, ասես` նա այս կյանքը մեկ անգամ արդեն ապրել էր:  Չկար մի հանձնարարություն, որ Ռոստը տար, ու զինվորներն անվերապահորեն չկատարեին:  Մենք՝ սպաներս, սիրում էինք Ռոստին:  Նույնը կասեն դահլիճում գտնվող սպայական կազմի տղերքն ու զինվորները»,-Yerkir.am-ի հաղորդմամբ՝ ասաց հերոսի մարտական ընկերը:

Մանրամասն՝ տեսանյութում

Լ.Ս.

Տե՛ս նաեւ

ՈւՂԻՂ. Տեղի է ունենում ՀՅԴ մարտիկ, 2020 թ․ Արցախյան ազատամարտի նահատակ, ավագ լեյտենանտ ՀԱԿՈԲ ՌՈՍՏՈՄՅԱՆԻՆ նվիրված «ՌՈՍՏ» ֆիլմի պրեմիերան

ՏԵՍԱՆՅՈՒԹ. Մենք պետք է պատերազմի բոլոր հերոսներին փառաբանենք. «Խոնարհ հերոսներ» ֆիլմաշարի ռեժիսոր 

ՏԵՍԱՆՅՈՒԹ. Հուզմունքս շատ մեծ է, վերապրել եմ նույն զգացումները. զոհված հերոսի հայրը՝ որդուն նվիրված ֆիլմի մասին

ՏԵՍԱՆՅՈՒԹ. Ռոստը քաջարի մարդու տեսակ էր, որը մեծացել էր հայրենատեր կուսակիցների մեջ. Սրապիոնյան