Բրիտանիայում հայտնաբերվել է փաստաթուղթ, որը երաշխավորում էր ՆԱՏՕ-ի՝ դեպի արևելք չընդլայնումը

Մեծ Բրիտանիայի ազգային արխիվում հայտնաբերվել է 1991 թվականի փաստաթուղթ, որում արևմտյան երկրները հայտարարել են դեպի արևելք ՆԱՏՕ-ի ընդլայնման անընդունելիությունը. գրում է RT-ն՝ հղում անելով Der Spiegel-ին։

Բոստոնի համալսարանի պրոֆեսոր Ջոշուա Շիֆրինսոնը հայտնաբերել է գաղտնի փաստաթուղթը: Այն պարունակում է 1991 թվականի մարտի 6-ին Բոննում ԱՄՆ-ի, Մեծ Բրիտանիայի, Ֆրանսիայի և Գերմանիայի արտաքին գործերի նախարարների՝ Կենտրոնական և Արևելյան Եվրոպայում անվտանգության թեմայով հանդիպման արձանագրությունը։

«Մենք 2 + 4 բանակցություններում (Գերմանիայի հետ կապված կարգավորման շուրջ ԳԴՀ-ի, ԳՖՀ-ի և ԱՄՆ-ի, ԽՍՀՄ-ի, Մեծ Բրիտանիայի և Ֆրանսիայի մասնակցությամբ) հասկացանք, որ մենք չենք ընդլայնում ՆԱՏՕ-ն Էլբայից այն կողմ: Ուստի մենք չենք կարող Լեհաստանին և մնացածին ՆԱՏՕ-ին անդամակցություն առաջարկել»,- ասվում է Գերմանիայի ներկայացուցիչ Յուրգեն Հրոբոգի հայտարարության մեջ։

Ամերիկացի դիվանագետները նույնպես նման խոստումներ են տվել։