Վտանգավոր տնտեսական կոլապսից դուրս գալու միակ ելքն այս իշխանությունների հեռացումն է

Փետրվարի 17-ին Հրապարակ TV առցանց հեռուստաալիքի հյուրն էր ՀՅԴ անդամ, տնտեսագետ, ՀՀ ԱԺ պատգամավոր Թադևոս Ավետիսյանը: Հաղորդման ընթացքում անդրադարձ է կատարվել վերջին շրջանում արձանագրված թռիչքային գնաճին, տնտեսության հյուծման միտումներին, մարդկանց կյանքի որակի վատթարացմանը, նվազագույն սպառողական զամբյուղի համեմատ մարդկանց կենսամակարդակի անկմանը:

Թադևոս Ավետիսյանը խոսել է նաև ՀՀ իշխանությունների մոտ իրավիճակը շտկելու կամքի բացակայության և այդ ուղղությամբ ընդդիմության առաջարկների հանդեպ քամահրական պահվածքի մասին:

Ըստ նրա` տպավորություն է ստեղծվում, որ ՀՀ իշխանությունների շահերը ոչ միայն չեն համընկնում մեր ազգային ու պետական շահերին, այլև հակասության մեջ են դրանց հետ: «Պատճառը, թերևս այն է, որ օրվա տնտեսվարողների հիմնական մտահոգությունը սեփական իշխանությունը պահելն է»,- նշել է Թադևոս Ավետիսյանը:

Մանրամասները` տեսանյութում