Մինչև այս քրգործը չգիտեի, որ բնության մեջ կա Սիլվա Համբարձումյան․ Ռոբերտ Քոչարյան

Փետրվարի 15-ին Երևան քաղաքի ընդհանուր իրավասության դատարանում  դատախազը  հրապարակեց  «Սիլվայի գործ»-ով  մեղադրական եզրակացությունը՝  պահանջելով Ռոբերտ Քոչարյանի  ու Արմեն Գևորգյանի համար  7-12 տարվա ազատազրկում։

Լրագրողի հարցին, թե՝ ի՞նչ սպասելիքեր ունի նախագահը  դատարանից, Ռոբերտ Քոչարյանն այսպես արձագանքեց․ «Մի կին՝ Սիլվա Համբարձումյան անունով,  բավական հայտնի, որին չեմ ճանաչում  և ոչ միայն չեմ ճանաչում, այլև չգիտեի այդ կնոջ գոյության մասին՝ ընդհանրապես, մինչև այս քրեական գործը, չգիտեի,  որ բնության մեջ կա Սիլվա Համբարձումյան։  Իր  խոսքով՝ ժամանակին  ուզում էր հանքօգտագործման լիցենզիան վերավաճառել  մեկին և իբրև  շնորհակալություն կաշառք է առաջարկել  ինձ,  Սերժ Սարգսյանին, բոլորին․․․ Այն ժամանակ լիցենզիա վերավաճառելու համար թույլտվություն պետք չէր։ ՀՀ նախագահը  2007-2008 թթ․ որևէ լիազորություն այդ ոլորտում չուներ։ Խորհրդարանական ընտրություններից հետո՝ 2007 թ․-ի,  ես նույնիսկ կառավարության շենք չեմ մտել։ Հիմա ինքն ինչ է ասում, ասում է՝ իրեն չխոչընդոտելու, չխանգարելու համար  իբրև փող է առաջարկել։ Հիմա  հարցին, թե՝  քեզ խոչընդոտե՞լ են, թե՞ ոչ,  ասում է․ «Ոչ,  չեն խոչընդոտել, ուղղակի մտածել եմ, որ կարող ա խոչընդոտեն, նախապես  փող եմ առաջարկել»։ Մեղադրականի մեջ չկա  որևէ նկարագրություն, թե ես ինչ եմ արել, և իրենք ընդունում են դրանով, որ մեղադրանքն աբսուրդ է»,- ասաց նախագահը։