Ուկրաինայի շուրջը ստեղծված լարվածությունը ձեռնտու է ԱՄՆ-ին, նրանք պետք է «վերագրավեն» գազի շուկան. Մոսկվա

Վաշինգտոնը ձգտում է Ռուսաստանից հետ վերցնել գազի եվրոպական շուկան, ուստի Ուկրաինայում իրավիճակի ապակայունացումը ձեռնտու էր այս տարիների ընթացքում. ասել է ՌԴ ԱԳՆ պաշտոնական ներկայացուցիչ Մարիա Զախարովան։

«Ռուսաստանի էներգետիկ համագործակցությունը եվրոպական երկրների հետ նման է Վաշինգտոնի կոկորդին խրված ոսկրի, որին անհրաժեշտ է հետ շահել հերթական շուկան, և այն էլ՝ գազի շուկան: Հետևաբար, իրավիճակի ապակայունացումը Ուկրաինայում, որով մեր գազը մատակարարվել է Եվրոպա, շահավետ է եղել այս տարիների ընթացքում»,- ասել է նա՝ ըստ ՏԱՍՍ-ի։

«Հյուսիսային հոսք-2»-ը նախագիծ է, որն ամեն կերպ փորձել են դանդաղեցնել, ընդհանրապես թույլ չտալ, որ այն հայտնվի, դադարեցրել են շինարարությունը, հետո՝ հորինել, թե ինչու այն չի կարող շահագործվել, և հիմա նաև հարձակվել ամբողջ աշխարհի վրա՝ հորինելով ռուսական այլ տեսակի «սպառնալիք», որպեսզի այս պատրվակով էլ ավելի շատ պատժամիջոցներ մտցնեն և էլ ավելի շատ փաստարկներ ստանան, որպեսզի վախեցնեն եվրոպացիներին մեզանից էներգառեսուրսներ չստանալու հեռանկարով»,- հավելել է Զախարովան։