Բողոքի ցույցեր Թուրքիայի մի շարք շրջաններում՝ ընդդեմ էլեկտրաէներգիայի և գազի թանկացման

Թուրքիայի հարյուրավոր քաղաքացիներ չորեքշաբթի դուրս են եկել փողոց՝ բողոքելու էլեկտրաէներգիայի և գազի գների բարձրացման դեմ. գրում է ընդդիմադիր Sözcü թերթը։

Հանրահավաքները կազմակերպել է գլխավոր ընդդիմադիր Հանրապետական-ժողովրդական կուսակցությունը (CHP): Ակցիաներ են անցկացվել մի քանի նահանգներում, ինչպես նաև Ստամբուլում և Անկարայում։ Մեկ այլ ընդդիմադիր՝ Evrensel հրատարակության համաձայն՝ Սիրիայի հետ սահմանին գտնվող Մարդին քաղաքում տեղի ունեցած բողոքի ցույցերի ժամանակ ոստիկանությունն արցունքաբեր գազ է կիրառել ցուցարարների դեմ։ ՀՀ սահմանային Աղրը նահանգում ցուցարարները կարգախոսներ են վանկարկել նախագահ Ռեջեփ Թայիփ Էրդողանի կառավարության հրաժարականի մասին։

CHP-ն շարունակում է կոչ անել երկրի ժողովրդին՝ միանալ իրենց բողոքի ակցիաներին՝ «էլեկտրաէներգիայի և կենցաղային գազի մատչելի գների հասնելու համար»։ Ընդդիմադիր քաղաքական գործիչները կարծում են, որ Թուրքիայի իշխանությունները պետք է «անհապաղ չեղարկեն մաքսատուրքերի բարձրացումը»։

Մինչդեռ Թուրքիայի էներգետիկայի և բնական պաշարների նախարար Ֆաթիհ Դյոնմեզն ասել է, որ երկրի իշխանությունները աշխատում են էլեկտրաէներգիայի գների իջեցման հնարավորության վրա, ինչը բացասաբար է անդրադառնում ոչ միայն սովորական քաղաքացիների, այլ նաև մի շարք ձեռնարկությունների աշխատանքի վրա։