Վրաստանը ժողովրդագրական ճգնաժամի շեմին է

2021 թվականին Վրաստանը կարող է գրանցել բնակչության բնական աճի ամենացածր տեմպերը՝ պայմանավորված կորոնավիրուսային համավարակով. հայտարարել է երկրի խորհրդարանի առողջապահության և սոցիալական հարցերի հանձնաժողովի ղեկավար Դմիտրի Խունդաձեն։

«Ցավոք, կորոնավիրուսի համաճարակն էլ ավելի է վատացնում ժողովրդագրական պատկերը Վրաստանում, և, հնարավոր է, 2021 թվականին մենք կունենանք բնակչության բնական աճի ամենացածր տեմպերը վերջին 60 տարիների ընթացքում»,- Խունդաձեի խոսքերն է մեջբերում Sputnik-ի վրացական ծառայությունը:

Պատգամավորի խոսքով՝ հաշվի առնելով առկա իրականությունը՝ առողջապահության հանձնաժողովը վերանայելու է 2016 թվականին ընդունված ժողովրդագրական անվտանգության փաստաթուղթը։

Նշվում է, որ 2020 թվականին Վրաստանում վերջին 30 տարում առաջին անգամ բնակչության բացասական աճ է գրանցվել։ Այն շարունակվել է 2021 թվականի առաջին կիսամյակում։