ՏԵՍԱՆՅՈՒԹ․ Ադրբեջանը սպառվել էր, եթե 2 օր էլ դիմանայինք՝ իրենց կհաղթեինք․ Վազգեն Մանուկյան

Ո՞ր քաղաքական ուժի հետ կհամագործակցեիք հանուն ելքի՝ ըստ Yerkir.am-ի այս հարցն ուղղեցին ՀՀ առաջին վարչապետ Վազգեն Մանուկյանին ՀՅԴ երիտասարդական կառույցի կազմակերպած հանդիպմանը Արամ Մանուկյան կենտրոնում։

«Հանուն երկրի ցանկացած ուժի հետ կարելի է համագործակցել, բայց ես հույսս դրա վրա չեմ դրել։ Ես ավելի կողմնակիցը կլինեմ, որ մի երիտասարդ ուժ ձևավորվի, ես գնամ՝ կանգնեմ կողքը․ բայց զարմանալի է, գաղափարներ, հանուն որոնց երիտասարդությունը գնա բարիկադների, չկան»,-ասաց Վազգեն Մանուկյանը։

Նա նշեց, որ գուցե այդ ոգևորությունը չկա, քանի որ 44-օրյա պատերազմին ցնցումը շատ մեծ էր։

«Դրան նպաստեց, որ 44 օր սուտ էին ասում․ բարձրացրեցին ու ամենաբարձր կեից շպրտեցին, երևի պետք է ժամանակ անցնի, որ վերականգնվեն։ Նոյեմբերի 8-ին ես զանգեցի Ռոբերտ Քոչարյանին, ասացի՝ տեսնում եմ, որ Ադրբեջանը սպառվել է, եթե 2 օր էլ դիմանանք՝ իրենց կհաղթենք․ հաջորդ օրը ստորագրվեց այդ համաձայնագիրը»,-ասաց Վազգեն Մանուկյանը։

Այն պահին, որ իշխանությունը փոխվի, նշեց նա, հայ ժողովուրդը դա կընդունի որպես մեծ հաղթանակ, բայց այդ փոխելն է պրոբլեմը։

Մանրամասն՝ տեսանյութում․