Սա մնալու է պատմության մեջ որպես Արթուր Ղազինյանի մասին օրենքի նախագիծ. Գեղամ Մանուկյան

Օրենքները մշակվում են հանրության բարեկեցությունը ավելացնելու, պետական ինստիտուտների առավել արդյունավետ զարգացնելու համար, իհարկե, կան իշխանություններ, որոնց համար օրենքը փոխելը սեփական իշխանությունը ամրացնելու համար է: Այս մասին ԱԺ իր ելույթում ասաց «Հայաստան» խմբակցության պատգամավոր Գեղամ Մանուկյանը:

«Հատկանշանական է, որ այս օրենքով ևս համազեկուցող է Վահագն Հովակիմյանը: Նա ՀՀ պատմության մեջ մնալու է ոչ թե երկրի զարգացման համար փոփոխություններ բերող, այլ այս իշխանությանը անսահմանափակ լիազորություն տվող, վերջերս իրավաբանական կրթություն ստացած պատգամավոր»,- ասաց նա:

Հիշեցնենք, որ իշխանությունը փոփոխություններ է առաջարկում օրենքով, որով, ըստ էության, Արթուր Ղազինյանն այլևս չի կարողանալու առաջադրվել որպես հանձնաժողովի փոխնախագահ: