ԿԳՄՍ նախարարին կա՛մ հարցերը դուր չեն գալիս, կա՛մ ձևակերպումները

Ոչ միայն հետարքրքվում ենք, մենք տեղեկացված ենք, թե ինչ իրավիճակ է սահմանամերձ բնակավայրերի դպրոցներում։ Այս մասին կառավարության նիստից հետո լրագրողների հետ ճեպազրույցում ասաց ԿԳՄՍ նախարար Վահրամ Դումանյանը:

«Այս հարցը բազմաթիվ անգամ քննարկվել է և՛ կառավարության նիստերում, և՛ տարբեր ասուլիսներում, որ, անկախ կրակոցներից, անկախ լարվածությունից, սահմանամերձ մարզերում, և ոչ միայն, մենք որոշ տեղերում ունենք լրջագույն խնդիրներ։ Ունեցել ենք և հիմա էլ ունենք, բայց բնույթը փոխվել է, այսօր ստեղծված համակարգը լիովին թույլ է տալիս, որպեսզի այն դպրոցներում, որտեղ ուսուցիչներ չկան․․․ Այսօր մենք ունենք հեռավար կրթության համակարգ, մեր լավագույն ուսուցիչները, ըստ անհրաժեշտության, կազմակերպում են հեռահար դասընթացները, և արվում է ամեն ինչ, որպեսզի կրթական գործընթացը չտուժի»,- ասաց նախարարը: