Թյուրքական պետությունները կաջակցեն Ղազախստանին. Չավուշօղլու

Թուրքիան հուսով է, որ Ղազախստանը որքան հնարավոր է շուտ կհասնի կայունության և խաղաղության. ասել է Թուրքիայի արտգործնախարար Մևլութ Չավուշօղլուն՝ ընդգծելով, որ Թյուրքական պետությունների կազմակերպությունն ամեն տեսակի աջակցություն կտրամադրի Ղազախստանին։

«Մենք հուսով ենք, որ Ղազախստանը որքան հնարավոր է շուտ կհասնի կայունության, խաղաղության և հանգստության։ Դրա համար մենք՝ որպես Թուրքիա և թյուրքական պետությունների կազմակերպություն, կտրամադրենք հնարավոր բոլոր աջակցությունը», - մեջբերում է Hurriyet-ը։

Միևնույն ժամանակ, Չավուշօղլուն ընդգծել է Ղազախստանի կարևորությունը թյուրքական պետությունների և տարածաշրջանի համար՝ նշելով, որ հանրապետության նախագահ Ռեջեփ Թայիփ Էրդողանը, որը խորհրդի նախագահն է, հեռախոսազրույցներ է ունեցել իր թյուրք նախագահ-գործընկերների հետ:

«Գումարած, ինչպես գիտեք, երեքշաբթի մենք կանցկացնենք Թյուրքական պետությունների կազմակերպության արտաքին գործերի նախարարների արտահերթ հանդիպումը»,- ասել է նախարարը։

«Թյուրքական աշխարհին մասնակցող երկրների խնդիրները մեր խնդիրներն են»,- հավելել է Չավուշօղլուն։