Իսլամը 2070-ին կարող է աշխարհի ամենատարածված կրոնը դառնալ

Իսլամը 2070-ին կարող է աշխարհի ամենատարածված կրոնը դառնալ: Ըստ հետազոտության, 2050-ին մահմեդականների քանակը կհավասարվի քրիստոնյաների քանակին, իսկ արդեն 2070-ին իսլամը կարող է գերազանցել հետնորդների թվով քրիստոնեությանը: Դա իրականություն կդառնա, եթե առկա միտումները պահպանվեն: Այս մասին գրում է «BBC»-ին։

Մինչև 2010թ. քրիստոնյաներն աշխարհում գրեթե 2.2 մլրդ էին՝ կազմելով Երկիր մոլորակի բնակչության մեկ երրորդը: Իսլամ էր դավանում 1,6 մլրդ մարդ, կամ մոլորակի բնակիչների 23%-ը: Մոտակա տասնամյակներում իսլամի դիրքերը կամրանան՝ հաշվի առնելով մոլորակի բնակչության աճը: Մահմեդականների քանակը կհասնի 73%-ի, իսկ քրիստոնյաներինը կլինի 35%: Այդպիսով մի պահ կգա, երբ երկու առաջատար համաշխարհային կրոնները հետնորդների քանակով կհավասարվեն՝ 2.76 մլրդ մահմեդական և 2.92 մլրդ քրիստոնյա:

Իսլամի տարածումը հիմնականում պայմանավորված է բնակչության աշխարհագրական տեղաբաշխմամբ: Մահմեդականները կենտրոնացած են աշխարհի այն մասում, որտեղ գրանցվում են բնակչության աճի ամենամեծ տեմպերը: 2010-ին Ինդոնեզիայում էին ապրում ամենամեծ թվով մահմեդականները: Սակայն, արդեն 2050-ին Հնդկաստանն առաջ անցավ Ինդոնեզիայից մահմեդականների քանակով, թեև հինդուիզմը շարունակում է մնալ Հնդկաստանի գլխավոր կրոնը:

Մեծ Բրիտանիայում, Ֆրանսիայում քրիստոնայները կկազմեն բնակչության 50%-ը: Ըստ նախնական տվյալների, Եվրոպայում մահմեդականները կկազմեն բնակչության 10%-ը: Միևնույն ժամանակ աշխարհի քրիստոնյաների 40%-ը կբնակվի Աֆրիկայում, մինչդեռ հիմա այնտեղ քրիստոնյաները կազմում են 25%:

Համաշխարհային է համարվում 3 կրոն՝ քրիստոնեությունը, բուդդայականությունը և իսլամը: Բուդդիզմը հնագույն կրոնն է, իսկ իսլամը ամենաերիտասարդը: