Պուտինն ասել է, որ գիտի Ալիևի և Փաշինյանի`Եվրախորհրդի ղեկավարի հետ հանդիպելու պլանների մասին

Սոչիում կայացած բանակցությունների ժամանակ ՌԴ նախագահ Վլադիմիր Պուտինը Ադրբեջանի նախագահ Իլհամ Ալիևին և Հայաստանի վարչապետ Նիկոլ Փաշինյանին ասել է, որ Եվրոպական խորհրդի նախագահ Շառլ Միշելը պատրաստ է հանդիպել նրանց հետ՝ Լեռնային Ղարաբաղում իրավիճակի կարգավորման թեմայով։

«Ես գիտեմ, որ մոտ ապագայում դուք հանդիպում եք  նախատեսել Բրյուսելում, դուք պայմանավորվել եք գնալ այնտեղ, այնտեղ հանդիպում անցկացնել։ Մենք նույնպես ողջունում ենք դա։ Ինչքան շատ լինեն ուղիղ հաղորդակցության հնարավորությունները, այնքան լավ։ Ես վերջերս խոսել եմ Եվրոպական խորհրդի նախագահի` պարոն Միշելի հետ, նա սպասում է ձեզ»,- ասել է Պուտինը։