44 րոպե. Սյունիքն ենք կորցնում. բողոքի ակցիա

Մի խումբ քաղաքացիներ այս պահին փակել են Հաղթանակի կամուրջը, կանգնեցրել երթեւեկությունը եւ բարձրախոսով հայտարարում են, որ այսօր՝ ժամը 17-ին, ակցիա է նախատեսված Հանրապետության հրապարակում:

Նրանց թվում է լրագրող Նաիրի Հոխիկյանը, որը հայտարարեց, որ այս պահին Երեւանի տարբեր փողոցներ արգելափակված են՝ Արշակունյաց պողոտան, Տիգրան Մեծի պողոտան, Բաղրամյան պողոտան:

Նա նաեւ հայտարարեց, որ իրենք պահանջում են չստորագրել սահմանազատման եւ սահմանագծման ծրագիրը եւ հրապարակային խոսել, պատմել, թե ինչ փաստաթղթեր են քննարկվում Ադրբեջանի հետ:

Ակցիայի մասնակիցների ձեռքին կա պաստառ՝ «Ազատագրական պայքար» գրառմամբ:

Նրանց մոտեցան ոստիկաններ եւ պահանջեցին ազատել փողոցը ու վերականգնել երթեւեկությունը: Նրանք սկսեցին բերման ենթարկել ակցիայի մասնակիցներին: