ՏԵՍԱՆՅՈՒԹ․ Պետք է վռնդել այս իշխանություններին բոլոր պաշտոններից և հանձնել իրավապահներին․ Դավիթ Սահակյանց

Նիկոլ Փաշինյանի հեռացման ցանկացած տաբերակ ինձ համար ընդունելի է՝  Yerkir.am-ի հետ հարցազրույցում ասաց ռեժիսոր, մուլտիպլիկատոր, ՀՀ մշակույթի վաստակավոր գործիչ Դավիթ Սահակյանցը, որն Ազատության հրապարակում մասնակցում է «Հայաստան» դաշինքի կազմակերպած դիմադրության հանրահավաքին։

Նա նշեց, որ այդտեղ հավաքվածների ակնկալիքը, թերևս, նույնն է՝ օր առաջ վռնդել այս իշխանություններին բոլոր պաշտոններից և հանձնել իրավապահների ձեռքը։

«Սա գլխավոր ակնկալիքս է, ինչքանով դա կհաջողվի՝ դեռ վաղ է ասել, կարծում եմ որոշ ժամանակ է պետք, որ պնդանա և միգուցե ալիքաձև զարգացում լինի և այս ապստամբությունը ավելի մեծ թափ առնի»,-ասաց Դավիթ Սահակյանցը։

Նա մտահոգություն հայտնեց, որ խայտառակ պարտությունից և կապիտուլյացիայից հետո, ցավոք, դեռ կա մի զանգված, որն իրեն թույլ է տալիս իլյուզիաների մեջ ապրել և վստահել այդ մարդկանց․ սա, նրա համոզմամբ, շատ խորը պրոբլեմ է, որի արձագանքը դեռ շատ երկար ժամանակ լսելու ենք, տեսնելու ենք և պետք է դրա դեմը կարողանանք առնել։

«Նիկոլ Փաշինյանի հեռացման ցանկացած տաբերակ ինձ համար ընդունելի է, ժողովրդավարությանը ես երբեք չեմ հավատացել, դա միշտ եղել է ինչ-որ մեկի ձեռքում գործիք իր նպատակներն առաջ տանելու համար։ Լավատեսություն գրեթե չունեմ, դրա համար համարում եմ, որ պայքարը օր առաջ պետք է հզորանա»,-ասաց Դավիթ Սահակյանցը։

Մինչև մենք կհարգենք ինքներս մեզ, երկիրը չվերցնենք մեր ձեռքը, ոչ ոք մեզ ուշադրություն չի դարձնի, նշեց նա, բոլորի համար մենք կմնանք պարտված և դավաճաններին վերընտրած ազգ, մենք ոչ մի  կշիռ չենք ունենա և բոլորի ձեռքում կլինենք խաղալիք, եթե մենք մեր մեջ չգտնենք այն ուժը, որով այդ հարցը կլուծենք ինքներս։

Մանրամասն՝ տեսանյութում․