Մեր երկրում տոները գողացել են այլևս․ հիմա չունենք եռատոնը․ Գեղամ Մանուկյան

Սիրելի՛ հայրենակիցներ,  ներողություն եմ խնդրում,  որ կառավարությունը նման օրինագիծ է բերել․ ԱԺ-ում ելույթն այսպես սկսեց «Հայաստան» խմբակցության պատգամավոր Գեղամ Մանուկյանը։

Հիշեցնենք, որ Ազգային ժողովը քննարկում է կառավարության ներկայացրած օրենքի նախագիծը, որով առաջարկվում է ամանորյա տոներին ոչ աշխատանքային սահմանել միայն դեկտեմբերի 31-ը, հունվարի 1-ը և 6-ը:

«Մի պահ անդրադարձեք՝ անցյալ տարի Նոր տարվա սեղանին քանի՞ հոգի է սեղանի շուրջը նստել  և  քանի՞սն են եղել Եռաբլուրում,  այս տարի քանի՞ հոգի է սիրտ ունենալու՝ Նոր տարի նշելու։ Մի պահ անդրադարձեք, որ մեր երկրում տոները գողացել են այլևս, մեր երկրում Մայիսի 9-ը չենք նշում այլևս․ տասնամյակներ շարունակ  եռատոն էինք  ասում, հիմա չունենք եռատոնը։ Սեպտեմբերի 21-ը հիշո՞ւմ եք,  կար ժողովուրդ, և կային, հրապարակում նստած,  ինչ-որ համերգ լսողներ, որոնք կապ չունեին ժողովրդի հետ»,- նշեց Գեղամ Մանուկյանը։

Մանրամասները՝ տեսանյութում։