Չունենք ազգային պետականամետ իշխանություն, որն ունակ է պաշտպանելու մեր հայրենիքի տարածքային ամբողջականությունը. Արշակ Մեսրոպյան

Չունենք ազգային պետականամետ իշխանություն, որն ունակ է պաշտպանելու մեր հայրենիքի տարածքային ամբողջականությունը։ Այս մասին գրել է ՀՅԴ Բյուրոյի երիտասարդական գրասենյակի պատասխանատու Արշակ Մեսրոպյանը։

«Համատարած ազգային դիմադրության հրամայականը

Այսօրվա ցավոտ իրականությունը գնահատելով հանդերձ պետք է արձանագրել․

• Չկա ազգային պետականամետ իշխանություն, որն ունակ է պաշտպանելու մեր հայրենիքի տարածքային ամբողջականությունը, պետական եւ համազգային շահն ու ամրապնդի ազգային անվտանգության հիմնասյուները։

• Չկա Հայաստանյան լայն հասարակություն, որն ընկալում է այսօրվա օրհասական իրավիճակը եւ մեր պետականության դեմ ծառացած սպառնալիքների ամբողջական ծավալը։

Կա միայն հասարակության գիտակից, զգոն, ազգային զարկերակն զգացող տեսակը, որոնց ուսերին է դրված մեր հայրենիքի ճակատագիրը։

Այնպես որ վերոնշյալ տեսակը պետք է ինքնակազմակերպվի եւ վայրկյան առաջ ՀԱՄԱՏԱՐԱԾ ԱԶԳԱՅԻՆ ԴԻՄԱԴՐՈՒԹՅԱՆ միջոցով հեռացնի ազգակործան իշխանություններին»,- գրել է Մեսրոպյանը։