Թուրքիան դժգոհ է Ֆրանսիայից

Թուրքիան պատրաստվում է դադարեցնել Ֆրանսիայի հետ 18-ամյա համագործակցությունը արբանյակների արտադրության ոլորտում. գրում է թուրքական Sabah թերթը:

Եթե Թուրքիայի կողմից տիեզերք արձակված 4 արբանյակներն արտադրվել էին ֆրանսիական Alcatel ընկերության կողմից, ապա նոր արբանյակների արտադրությունը Թուրքիան պատրաստվում է վստահել Mitsubishi ճապոնական ընկերությանը:

Թերթը հայտնում է, որ երկու երկրների միջեւ տնտեսական համագործակցության, նաեւ դիվանագիտական հարաբերությունների վրա բացասական է անդրադառնում Հայոց ցեղասպանության հարցում Ֆրանսիայի վարած քաղաքականությունը, ինչպես նաև այն հանգամանքը, որ Ֆրանսիայի նախագահ Նիկոլա Սարկոզին դեմ է հանդես գալիս Եվրամիությանը Թուրքիայի անդամակցելուն: