Աֆղանստանի կառավարությունը և «Թալիբան»-ը համաձայնության են եկել արագացնել բանակցությունները

Դոհայում Աֆղանստանի կառավարության և թալիբների պատվիրակությունները պայմանավորվել են արագացնել բանակցությունները և անցկացնել նոր հանդիպում արդար լուծման հասնելու համար:

Ինչպես հայտնում է «Ալ Ջազիրա» հեռուստաալիքը, Քաթարի մայրաքաղաքում բանակցությունների հերթական փուլի երկրորդ և վերջին օրը կողմերը հանդես են եկել գրավոր հայտարարությամբ:

Պատվիրակությունները նաև պայմանավորվել են «իսլամի սկզբունքներին համահունչ և աֆղանցիների շահերից բխող համաձայնության ձեռք բերման անհրաժեշտության մասին» և խոստացել շարունակել բարձր մակարդակի բանակցությունները մինչև համաձայնության ձեռք բերումը:

Կառավարության և «Թալիբան»-ի ներկայացուցիչները խոստացել են պատրաստակամություն ունենալ նոր հանդիպում անցկացնելու և բանակցություններն արագացնելու համար: Միևնույն ժամանակ, նոր հանդիպման օրը չի հրապարակվել: