Իրանի դեմ պատժամիջոցների դարաշրջանն ավարտվում է. Ռոհանի

Հունիսի 21-ին Իրանի նախագահ Հասան Ռոհանին հայտարարել է, որ Իսլամական Հանրապետության դեմ ԱՄՆ պատժամիջոցները, որոնք ի սկզբանե կարելի է համարել չարդարացված միջոց, կվերացվեն առաջիկայում, իսկ օտարերկրյա ներդրումները կհեղեղեն երկիրը: Այս մասին հայտնում է իրանական IRNA գործակալությունը:

Նա ողջունել է իրանցիների դիմադրությունը վերջին 3,5 տարվա ընթացքում Վաշինգտոնի տնտեսական ահաբեկչությանը՝ այն անվանելով աննախադեպ տարածաշրջանի և աշխարհի պատմության մեջ:

Անդրադառնալով ԱՄՆ ֆինանսների նախարարության՝ վերջերս արած հայտարարությանը կորոնավիրուսի հետ կապված ապրանքների ներմուծման խոչընդոտները մեղմելու մասին՝ Ռոհանին ընդգծել է, որ դա ԱՄՆ-ի խոստովանությունն է, որ արգելափակվել է իրանական ազգի համար ապրանքների հոսքը, ներառյալ՝ հումանիտար ապրանքները:

«Ամերիկյան իշխանությունները ճանաչեցին այս փաստը միայն այն բանից հետո, երբ Իրանը դարձավ COVID-19-ի դեմ դիմակներ և պատվաստանյութեր արտադրող և արտահանող»,- ասել է Իրանի նախագահը:

Նա շեշտել է, որ, չնայած գնաճին, երկիրն առատ է ապրանքներով, ինչը վկայում է այն մասին, որ տնտեսական պատերազմը չի հասել Իրանի տնտեսությունը ջախջախելու՝ իր նպատակին: