Ազգային համաձայնություն կուսակցությունը կոչ է անում քվեարկել «Հայաստան» դաշինքի օգտին

Հայաստանը կանգնելու է մեր նորագույն պատմության ողջ շրջանում ամենաբախտորոշ ընտրության առջև։ Ցավոք, ստացվել է այնպես, որ այս պահին մենք ընտրություն չենք կատարելու շատ կամ քիչ բարեկեցիկ կյանքի միջև, մեր ընտրությունը հայրենիք, պետություն ունենալու և ընդհանրապես ոչինչ չունենալու միջև է։ Այս մասին «Հայաստան» դաշինքի մամուլի սրահում ճեպազրույցի ժամանակ հայտարարեց «Ազգային համաձայնություն» կուսակցության նախագահ Արամ Հարությունյանը։

«Ազգային համաձայնություն» կուսակցությունը Հայաստանի բոլոր քաղաքացիներին կոչ է անում՝ հունիսի 20-ին քվեարկել «Հայաստան» դաշինքի օգտին։ «Թիվ 24 քվեաթերթիկը քվեատուփը նետելով՝ ձեզանից յուրաքանչյուրը, առանց չափազանցության, իր անձնական ներդրումն է ունենալու հայրենիքի և հայ ժողովրդի փրկության գործում»,- ասաց Արամ Հարությունյանը։

Մանրամասն՝ տեսանյութում։