Բաքուն և Թեհրանը հուշագիր են ստորագրել երկաթուղիների զարգացման վերաբերյալ

Իրանը և Ադրբեջանը հուշագիր են ստորագրել երկաթուղիների զարգացման վերաբերյալ:

Իրանի ճանապարհների և քաղաքաշինության նախարար Մոհամադ Էսլամիի խոսքով՝ մեկօրյա այցի շրջանակներում Ադրբեջանի էկոնոմիկայի նախարարի հետ հանդիպման ժամանակ ստորագրվել է փոխըմբռնման հուշագիր երկաթուղային ենթակառուցվածքների զարգացման վերաբերյալ:

Էսլամին հավելել է, որ Փոխըմբռնման հուշագիրը ներառում է նաև Հյուսիս-հարավ և Արևելք-արևմուտք միջանցքների առավել արդյունավետ շահագործման խնդիրները. հաղորդում է ադրբեջանական Trend-ը:

Նա նաև նշել է, որ Իրանը ջանքեր է գործադրում ընդլայնելու Ռաշտ-Աստարա մայրուղին՝ Բաքվի ուղղությամբ, որի բացումից հետո ճանապարհորդության տևողությունը կկրճատվի երկու ժամով: