Ինչպես է իրականացվելու հայկական ճանապարհների կապվածությունն արտաքին աշխարհի հետ՝ առանց ՌԴ-ի երկաթուղիների հետ կապվածության․ Օվերչուկ

Ռուսաստանը Հայաստանից պաշտոնական դիմումներ չի ստացել Հարավկովկասյան երկաթուղու հետ կոնցեսիոն պայմանագրի դադարեցման վերաբերյալ։ Այս մասին հայտարարել է ՌԴ փոխվարչապետ Ալեքսեյ Օվերչուկը։

«Ռուսաստանը կողմ է, որպեսզի բոլոր հարցերը լուծվեն բացարձակապես հանգիստ՝ խորհրդակցությունների և երկխոսության ռեժիմով։ Մոսկվան պատրաստ է շարունակել աշխատել, շարունակել կոնցեսիան Հայաստանում։

Երևանից հնչում են առաջարկներ առանձին հատվածների վերաբերյալ, որոնք Հայաստանի երկաթուղային համակարգի անբաժանելի մասն են։ Անհասկանալի է, թե ինչպես կարելի է պոկել մեկ կոճափայտը մյուս կոճափայտից։

Դժվար է գնահատել, թե ինչպես է իրականացվելու հայկական ճանապարհների կապվածությունն արտաքին աշխարհի հետ՝ առանց Ռուսաստանի երկաթուղիների հետ կապվածության»,-նշել է նա։