ՏԵՍԱՆՅՈՒԹ․ 10,5 միլիոն եվրո արժեքով ջրամաքրման նոր կայանը 4 տարի է չի գործարկվում․ Հաշվեքննիչ պալատ

2015-17 թթ Ֆրանսիական վարկի միջոցներով կառուցվել է Երևանի կեղտաջրերի մաքրման Աէրացիայի նոր կայանը, քանի որ գործողը պիտանի չէր՝ ըստ Yerkir.am-ի ասաց ՀՀ  հաշվեքննիչ պալատի նախագահ Լևոն Յոլյանը ԱԺ  ֆինանսավարկային և բյուջետային հարցերի մշտական հանձնաժողովի նիստում ներկայացնելով Հաշվեքննիչ պալատի 2020 թ. գործունեության տարեկան հաղորդումը։

10,5 միլիոն եվրո վարկային միջոցներով կառուցված կայանը արդեն 4 տարի է չի գործարկվում, քանի որ չի անցնում փորձաքննություն՝ մտահոգություն հայտնեց նա։

Բանն այն է, որ կայանը կառուցած կապալառուն բազմիցս դիմել է պետական և համայնքային մարմիններին կատարել հանձնում և ընդունում, սակայն հարցը առայսօր լուծված չէ։

Փաստորեն, ասաց Լևոն Յոլյանը, ունենք 4 տարի չշահագործվող նոր կայան, ինչի արդյունքում շարունակում ենք ունենալ լուրջ բնապահպանական խնդիրներ։

Մանրամասն՝ տեսանյութում․