Բացվել է Coca-Cola ընկերության ջրամաքրման նոր կայանը

Հունվարի 18-ին տեղի է ունեցել «Կոկա-Կոլա Հելլենիկ Բոթլինգ Քամփնի Արմենիա» ընկերության ջրամաքրման նոր կայանի բացումը, որին մասնակցել է վարչապետ Տիգրան Սարգսյանը: Նա շրջել է նորաբաց կայանում, ինչպես նաեւ ծանոթացել ընկերության արտադրական հնարավորություններին: Տ.Սարգսյանին է ներկայացվել ըմպելիքների պատրաստման գործընթացը, ինչպես նաեւ Հայաստանում ընկերության 15-ամյա գործունեության արդյունքները:

Այցի ավարտին, պատասխանելով լրատվամիջոցների ներկայացուցիչների հարցերին, Տ.Սարգսյանը կարեւորել է ընկերության գործունեությունը, նշելով, որ այն ստեղծել է բազմաթիվ աշխատատեղեր եւ Հայաստանի խոշորագույն հարկատուներից մեկն է: «Մեր այցելության նպատակն է ուսումնասիրել այն փորձը, որ «Կոկա-Կոլան» ունի ջրերի մաքրման հարցում, քանի որ այն եւ միջազգային ստանդարտները, որ նրանք կիրառում են, պետք է տարածենք նաեւ այլ ձեռնարկություններում»,- ասել է վարչապետը: