Թուրքիային և Հունաստանին հաջողվել է համաձայնության գալ 25 կետի շուրջ

Թուրքիան պատրաստ է հունական կողմի հետ երկխոսության և բանակցությունների՝ առանց բոլոր բնագավառներում երկկողմ հարաբերությունների զարգացման նախապայմանների: Այս մասին հայտարարել է Թուրքիայի արտգործնախարար Մևլյութ Չավուշօղլուն իր հույն գործընկեր Նիկոս Դենդիասի հետ համատեղ մամուլի ասուլիսում:

Նրա խոսքով՝ Թուրքիան հունական կողմի հետ համատեղ աշխատանքներ է սկսել՝ ուղղված համագործակցության և կոնկրետ նախագծերի իրականացմանը, և արդեն հասցրել է համաձայնության գալ 25 կետի շուրջ:

Չավուշօղլուն նշել է, որ հունական կողմի հետ երկուշաբթի ձեռք բերված համաձայնությունը փոխադարձ դրական ներդրում կունենա երկրների զբոսաշրջության ոլորտում:

Թուրքական դիվանագիտության ղեկավարը կենտրոնացել է այն փաստին, որ Թուրքիան և Հունաստանը համաձայնություն են ձեռք բերել կորոնավիրուսի դեմ պատվաստանյութերի փոխադարձ ճանաչման վերաբերյալ: