|
Փոխարժեքներ
18 11 2026
|
||
|---|---|---|
| USD | ⚊ | $ 360.51 |
| EUR | ⚊ | € 396.13 |
| RUB | ⚊ | ₽ 4.3703 |
| GBP | ⚊ | £ 475.51 |
| GEL | ⚊ | ₾ 138.98 |
Եվրամիության անդամ երկրները երեքշաբթի կայացած նիստում չեն կարողացել համաձայնեցնել ԵՄ- ի ընդհանուր դատախազության ստեղծման որոշումը, այժմ հարցը կներկայացվի կազմակերպության գագաթնաժողովին: Այդ մասին ասված է Եվրամիության խորհրդի պաշտոնական հաղորդագրության մեջ, փոխանցում է РИА Новости-ն:
«Խորհուրդը երեքշաբթի դրսևորեց միաձայնության բացակայություն, որն անհրաժեշտ է Եվրոպայի պետական մեղադրողների ծառայության ստեղծման կանոնակարգին հավանություն տալու համար: Դա հնարավորություն է ընձեռում առնվազն ինն անդամներից բաղկացած խմբին տեքստը քննարկման ներկայացնելու Եվրոպայի խորհրդին, ինչը կդառնա փոխհամաձայնություն ապահովելու վերջին փորձը», - հայտնել է ԵՄ-ի խորհուրդը:
Ինչպես նշված է փաստաթղթում, ԵՄ-ի գագաթնաժողովը կարող է առաջարկությունը քննարկել չորս ամսվա ընթացքում: Միաձայնության բացակայության դեպքում ԵՄ-ի դատախազություն ստեղծելու փոխարեն, որն ամրագրված է Եվրամիության հիմնարար փաստաթղթերում, կքննարկվի այդ բնագավառում ինտենսիվ համագործակցության տարբերակը: