ՄԱԿ-ը ԱՄՆ–ի պատճառով երրորդ անգամ չի կարողացել համաձայնության գալ Երուսաղեմի հարցի շուրջ

ՄԱԿ-ի Անվտանգության խորհուրդը երրորդ անգամ չի կարողացել համաձայնության գալ Իսրայելի և Պաղեստինի միջև հակամարտության սրման վերաբերյալ համատեղ հայտարարության շուրջ: Այս մասին գրում է Times of Israel-ը`հղում կատարելով դիվանագիտական աղբյուրների:

Հանդիպումը հերթական անգամ չի հանգեցրել երկրների կողմից միասնական արդյունքի Միացյալ Նահանգների դիրքորոշման պատճառով: Դիվանագետների խոսքով՝ Միացյալ Նահանգների ներկայացուցիչները խնդրել են «ավելի շատ ժամանակ տրամադրել իրենց՝ սեփական դիվանագիտական ջանքերի համար»:

ՄԱԿ-ի Անվտանգության խորհրդի անդամ երկրները պետք է մինչև երկուշաբթի կեսօրը քննարկեն հայտարարությունը: Հարցի շուրջ բանակցությունները շարունակվում են: