Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 3 տարի առաջ - 2021-05-25 16:27
Հասարակություն

Նորքի տուն-ինտերնատում բնակվող տարեցներն այսուհետ նոր օգնական կունենան․ Ռոբին ռոբոտը 12 շաբաթ կլինի խնամքի հաստատությունում

Նորքի տուն-ինտերնատում բնակվող տարեցներն այսուհետ նոր օգնական կունենան․ Ռոբին ռոբոտը 12 շաբաթ կլինի խնամքի հաստատությունում

ՀՀ աշխատանքի և սոցիալական հարցերի նախարարությունը տեղեկացնում է, որ Նորքի տուն-ինտերնատում բնակվող տարեցներն այսուհետ նոր օգնական կունենան․ շուրջ 12 շաբաթ Ռոբին անունով ավտոմատացված ռոբոտը կշփվի խնամքի հաստատությունում ապրող տարեցների հետ, կփորձի բարձրացնել նրանց տրամադրությունը՝ օգնելով հաղթահարել կորոնավիրուսային համավարակով պայմանավորված մեկուսացումն ու դժվարությունները։

 Տուն-ինտերնատի բնակիչներից յուրաքանչյուրը շաբաթական մի քանի հանդիպում կունենա ռոբոտի հետ։ Ռոբինի հետ կանցկացվեն նաև ինտելեկտուալ խաղեր, զրույցներ՝ ելնելով տարեցների հետաքրքրությունների շրջանակից ու նախասիրություններից։
 Աշխատանքի և սոցիալական հարցերի նախարարի տեղակալ Տաթևիկ Ստեփանյանի մասնակցությամբ այսօր տրվել է ծրագրի մեկնարկը, որի շրջանակում վերջինս կարևորել է նմանատիպ նախաձեռնությունների միջոցով խնամքի հաստատություններում ապրող տարեցների կյանքի որակի բարելավումն ու միաժամանակ նոր հետաքրքրության ապահովումը։

Ռոբոտի հնարավորություններին տարեցները ծանոթացել են տեղում․ «Էքսպերտ Թեքնոլոջիս» ընկերության ներկայացուցիչները ցուցադրել են ռոբոտին ու նրա հնարավորությունները։ Ծրագրի մեկնարկին հնչել է նաև «Ալցհայմերի խնամք Հայաստան» կազմակերպության հիմնադիր, ծերաբույժ Ջեյն Մահակյանի ողջույնի ուղերձը։

Նախագիծն իրականացնում է «Ալցհայմերի խնամք Հայաստան» կազմակերպությունը՝ «Էքսպերտ Թեքնոլոջիս» ընկերության հետ համագործակցությամբ, Աշխատանքի և սոցիալական հարցերի նախարարության աջակցությամբ և «Հ. Հովնանյան ընտանիք» հիմնադրամի ֆինանսավորմամբ:

Ծրագրի ավարտից հետո նախատեսված է Ռոբինի հյուրընկալումը խնամքի մյուս հաստատություններում ևս։

Возможно, это изображение (1 человек, стоит и в помещении)

Возможно, это изображение (5 человек, люди стоят, в помещении и текст «expper AC LZHEIMER'S CARE Pobin the R future that mlsa.am»)

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը