Էրդողանը ճնշում է գործադրում Պուտինի վրա՝ աջակցելով Ուկրաինային. Le Figaro

Թուրքիայի նախագահ Ռեջեփ Թայիփ Էրդողանը, աջակցելով Ուկրաինային, լրացուցիչ լծակներ է ստանում Վլադիմիր Պուտինի նկատմամբ. գրում է հայտնի ֆրանսիական Le Figaro թերթը:

Երկու նախագահները երբեմն ընդհանուր շահեր ունեն Արևմուտքի դեմ, բայց մրցակիցներ են Լիբիայում, Սիրիայում և Լեռնային Ղարաբաղում: Ուկրաինայի նախագահ Վլադիմիր Զելենսկին Ստամբուլ կատարած այցի ընթացքում համաձայնել է ամրապնդել թուրք-ուկրաինական ռազմական համագործակցությունը, այդ թվում`թուրքական անօդաչու թռչող սարքերի ձեռք բերման շուրջ, որոնք Լեռնային Ղարաբաղում մեծ կորուստներ են պատճառել հայկական ուժերին:

Միաժամանակ, թերթի ուկրաինական աղբյուրը նշել է, որ իրենք ամբողջովին չեն վստահում թուրքերին, նրանք մի օր կարող են դավաճանել իրենց՝ հօգուտ Մոսկվայի հետ հարաբերությունների: