Հռոմում ՌԴ–ի օգտին լրտեսություն անելու համար երկու անձ է ձերբակալվել. ռուս դեսպանը կանչվել է ԱԳՆ

Հռոմում երկու մարդ է բերման ենթարկվել` Ռուսաստանի օգտին լրտեսություն կատարելու կասկածանքով: Այս մասին չորեքշաբթի հաղորդել է La Repubblica թերթը՝ հղում կատարելով Իտալիայի ուժային կառույցներին:

Կարաբիներների հատուկ նշանակության ջոկատներն ավելի ուշ հայտնել են, որ, Հռոմի դատախազության հրամանագրով, իտալացի զինծառայող և ռուս սպա են բերման ենթարկվել: Ըստ նրանց հայտարարության՝ Իտալիայի քաղաքացին բերման է ենթարկվել, մինչդեռ «օտարերկրյա քաղաքացին ստուգումներ է անցնում իր դիվանագիտական կարգավիճակի վերաբերյալ»:

Կարաբիներների հատուկ ստորաբաժանումը պարզաբանել է, որ ձերբակալությունը տեղի է ունեցել երեքշաբթի՝ դրամական պարգևի դիմաց գաղտնի փաստաթղթեր փոխանցելու պահին: «Ձերբակալվել են Ռուսաստանի դեսպանատանը ծառայող` նավատորմի կապիտան և սպա, որոնք մեղադրվում են լրտեսության և պետության անվտանգության համար սպառնալիք ստեղծելու մեջ»,- ասվում է հայտարարության մեջ:

Դրանից հետո ռուսական ՏԱՍՍ գործակալությունը հայտնել է, որ Իտալիայում ՌԴ դեսպան Սերգեյ Ռազովը կանչվել է ԱԳՆ։