կարևոր
982 դիտում, 6 օր առաջ - 2022-11-25 14:09
Տարածաշրջան

Նիդեռլանդների դեսպանը կանչվել է Ադրբեջանի ԱԳՆ` ՀՀ-ի դեմ ադրբեջանական ագրեսիան դատապարտելու կոչի համար

Նիդեռլանդների դեսպանը կանչվել է Ադրբեջանի ԱԳՆ` ՀՀ-ի դեմ ադրբեջանական ագրեսիան դատապարտելու կոչի համար

Բաքվում Նիդերլանդների Թագավորության արտակարգ և լիազոր դեսպան Փոլին Էյզեմային հրավիրել են Ադրբեջանի ԱԳՆ. հայտնում է այդ երկրի ԱԳՆ-ն։

Նշվում է, որ դժգոհություն է արտահայտվել նոյեմբերի 23-ին այս երկրի խորհրդարան ուղարկված Նիդերլանդների փոխվարչապետ-ԱԳ նախարար Վոպկե Հոկստրայի նամակի առնչությամբ, որում երկրի խորհդարանին առաջարկվում էր դատապարտել ադրբեջանական ագրեսիան:

Նամակում նախարարը հիշեցրել է, որ Հարավային Կովկասում ԵՄ հատուկ ներկայացուցիչ Տոյվո Կլաարը հոկտեմբերի 2-ի իր թվիթում վրդովմունք է հայտնել տեսանյութի առնչությամբ, որտեղ ադրբեջանցի զինվորները գնդակահարում են հայ ռազմագերիներին։ Իր թվիթում նա կոչ է արել անկախ հետաքննություն անցկացնել եւ եթե հաստատվի տեսանյութի իսկությունը, պատասխանատվության ենթարկել մեղավորներին։ ԵՄ արտաքին քաղաքական ծառայության մամուլի քարտուղար Փիթեր Ստանոն հոկտեմբերի 3-ին կայացած մամուլի ասուլիսում Ադրբեջանի իշխանություններին կոչ է արել տեսանյութում ներկայացված պատերազմի օրենքների ենթադրյալ խախտման անկախ հետաքննություն անցկացնել։

Իր հերթին դեսպանն ասել է, որ ադրբեջանական կողմի դիմումը կուղարկի նպատակակետ։