Կապիտուլյանտը որևէ մտահոգություն չունի, որ Ինտերպոլը նույնպես ասում է՝ սա քաղաքական գործ է. Մ. Հակոբյան

Քաղաքական-հասարակական գործիչ Միհրան Հակոբյանը ֆեյսբուքյան իր էջում գրառում է արել՝ անդրադառնալով այսօր ԱԺ անկախ պատգամավոր Թագուհի Թովմասյանի հրապարակած փաստաթղթերին, որոնցից պարզ էր դառնում, որ Ինտերպոլը Գևորգ Կոստանյանի գործը համարել է քաղաքական:

Գրառումը ներկայացնում ենք ստորև.

«Թագուհի Թովմասյանի կողմից այսօրվա փաստաթղթերի հրապարակումից թուրք Նիկոլը չի մտահոգվելու։ Որ Մարտի 1–ի գործ չկա, այլ կա «Քոչարյանին դատելու գործ», ոչ մեկի համար վաղուց հաղտնիք չէ։ Որ Մարտի 1–ի գործն ի սկզբանե օրենքի և իրավաբանություն հետ որևէ կապ չի ունեցել և դա զուտ քաղաքական հաշվեհարդարի գործ է, դրա մասին էլ բոլորը վաղուց գիտեն։ Կապիտուլյանտը վաղուց է տանուլ տվել Մարտի 1–ը Քոչարյանի և մյուսների վրա կարել տալու համար ճակատամարտը և որևէ մտահոգություն չունի, որ Ինտերպոլը նույնպես ասում է՝ սա քաղաքական գործ է, և մենք չենք խառնվելու օրենքի և իրավաբանության հետ որևէ կապ չունեցող այս գործընթացին։ Մտահոգվելու առիթ ունեն քննիչներն ու դատախազները՝ Խաչատրյան Սասունի և Դավթյան Արթուրի գլխավորությամբ։