Ինտերպոլը փնտրում է ադրբեջանցի բլոգերին

Այս պահին Ինտերպոլով հետախուզման մեջ է Ադրբեջանի իշխանությունների դեմ ֆեյսբուքային ակցիայի կազմակերպիչներից մեկը:

Ինչպես հաղորդում է ադրբեջանական apa լրատվական կայքը, փարիզաբնակ Էլնուր Մաջիդլիի նկատմամբ քրեական գործ է հարուցվել` հակապետական կոչեր անելու մեղադրանքով:

Մաջիդլին Facebook-ում «Մարտի 11-ը` ժողովրդական մեծ օր» եւ «Ապրիլի 2-ը` ատելության օր» ակցիաների կազմակերպիչներից է: Նա իր էջում գրել է, որ Եվրոպայի խորհրդում է եւ տարբեր պաշտոնյաների հետ հանդիպումներ է ունենում ու քննարկում Ադրբեջանում ստեղծված իրավիճակին վերաբերող հարցեր:

Ապրիլի 2-ի ակցիայի մասնակիցներից ձերբակալվել է շուրջ 100 հոգի: