Ինտերպոլը դադարեցրել է Յանուկովիչի հետախուզումը

Ինտերպոլը դադարեցրել է Ուկրաինայի նախկին նախագահ Վիկտոր Յանուկովիչի հետախուզումը. հայտնում է ТАСС-ը: Այդ մասին հայտնել է Joseph Hage Aaronson փաստաբանական ընկերությունը, որը ներկայացնում էր նախկին նախագահի  շահերը:

Ըստ ընկերության՝ միջազգային կազմակերպությունը Յանուկովիչի հետապնդումը քաղաքական է համարում: «Յանուկովիչն այլևս չի երևում հետախուզվող անձանց ցանկում»,- ասված է հայտարարության մեջ:

Ինտերպոլը հանել է Ուկրաինայի նախկին նախագահի քարտը այն բանից հետո, երբ փաստաբանները բողոք են ներկայացրել՝ հայտարարելով, որ Յանուկովիչի դեմ քրեական գործը քաղաքական բնույթ է կրում: Այդ առնչությամբ հուլիսի 16-ին Ինտերպոլը հանել է նրա անունը իր կայքում տեղադրված հետախուզվող անձանց ցանկից: