ՖԻՖԱ-ն և Ինտերպոլը կպայքարեն միասին

ՖԻՖԱ-ն և Ինտերպոլը (Միջազգային քրեական ոստիկանական կազմակերպությունը) մտադիր են համատեղ ուժերով պայմանավորված խաղերի դեմ պայքարելու ծրագիր մշակել: Այս նպատակով կազմակերպությունները 10 տարվա պայմանագիր են կնքելու:

Հատուկ ծրագրեր կմշակվեն մարզիչների, ֆուտբոլիստների և ակումբների մենեջերների համար, ովքեր նույնպես կարող են օգնել խաղը վաճառելու դեմ պայքարին:

ՖԻՖԱ-ի և Ինտերպոլի ուժերի համատեղման առիթ է հանդիսացել մի շարք պայմանավորված հանդիպումների բացահայտումը Գերմանիայում (մոտ 300 խաղ), Խորվաթիայում (47 խաղ) և Ֆինլանդիայում: Բացի այդ` ՖԻՖԱ-ի ուշադրությանն արժանացան Բոլիվիա-Լատվիա և Բուլղարիա-Էստոնիա ընկերական հանդիպումները, որտեղ բոլոր 7 գոլերը խփվել են տուգանայիններից: