Twitter–ը հակաադրբեջանական քարոզի համար արգելափակել է 35 հայկական օգտահաշիվներ՝ աչքաթող անելով ադրբեջանականները

Twitter-ը երեքշաբթի հայտարարել է Ռուսաստանի, Հայաստանի և Իրանի հետ կապված 373 հաշիվների արգելափակման մասին: Արգելափակվել է 35 հաշիվ, որոնք կապված են ՀՀ կառավարության հետ և «տարածում են բացասական տեղեկություններ Ադրբեջանի մասին»:

«Այս հաշիվները ստեղծվել են Ադրբեջանի դեմ ուղղված հաղորդագրությունները խթանելու համար»,- նշում են ընկերությունից:

Փետրվարի 13-ին Twitter-ը ժամանակավորապես արգելափակեց ռուսական պատվիրակության հաշիվը Վիեննայում ռազմական անվտանգության ու զենքի վերահսկման բանակցություններում:

Twitter–ը ռուսական և իրանական օգտահաշիվները արգելափակել է նաև ՆԱՏՕ–ի և Եվրոպայի դեմ հակաքարոզչության համար։

Հիշեցնենք, որ Ադրբեջանն ավելի ակտիվ է տվյալ սոցցանցում և անթիվ են հակահայկական քարոզի դեպքերը, սակայն այդ փաստը «վրիպում է» Twitter–ի աչքից։