Իրանն ու Ադրբեջանը վերսկսում են Արաքսի վրա ՀԷԿ-երի կառուցումը

Իրանի և Ադրբեջանի կառավարությունները հավանություն են տվել Արաքս գետի վրա գտնվող «Գըզ Գալասը» և Խուդաֆերինի հիդրոէլեկտրակայանների կառուցման շարունակմանը. հայտնում են իրանական լրատվամիջոցները:

Հարցը քննարկվել է Իրանի Թավրիզ քաղաքում (Իրանական Ադրբեջան) տեղի ունեցած հանդիպման ժամանակ:

Հիշեցնենք, որ վերոհիշյալ նահանգի և թշնամու կողմից օկուպացված հայկական Ջրականի (Ջաբրայիլ) միջև հիդրոէլեկտրակայանի կառուցումը Իրանի էներգետիկայի նախարարության կողմից իրականացվող հիմնական նախագծերից է: Նախորդ տարվա դեկտեմբերին նախարար Ռեզա Արդաքանյանն ասել էր, որ երկու երկրները պայմանավորվել են վերսկսել հիդրոէլեկտրակայանի շինարարությունը: