ԱՄՆ-ի և Չինաստանի հարաբերությունները դառնում են ավելի թշնամական. ԱՄՆ պետքարտուղար

ԱՄՆ-Չինաստան հարաբերությունները գնալով ավելի թշնամական են դառնում, բայց դա չի բացառում երկու երկրների համագործակցությունը. հայտարարել է ԱՄՆ նոր պետքարտուղար Էնթոնի Բլինքենը պետդեպարտամենտում լրագրողների հարցերին պատասխանելիս. հաղորդում է ՏԱՍՍ-ը:

«Գաղտնիք չէ, որ Միացյալ Նահանգների և Չինաստանի միջև հարաբերությունները թերևս ամենակարևորն են աշխարհում: Դրանք հիմնականում կձևավորեն ապագան, որում բոլորս կապրենք: Բայց ավելի ու ավելի հաճախ հարաբերություններում առաջանում են թշնամական որոշ ասպեկտներ, դրանք ունեն մրցակցային կողմեր: Եվ համագործակցության ասպեկտները գտնվում են մեր երկուստեք հետաքրքրության ոլորտներում, որտեղ մենք փորձում ենք աշխատել միասին»,- ասել է ամերիկյան դիվանագիտության ղեկավարը՝ շեշտելով, որ այդ ընդհանուր շահերի ոլորտը ներառում է իրավիճակը կլիմայի շուրջ:

Անցյալ շաբաթ Սենատի լսումների ժամանակ Բլինքենն ասել էր, որ ԱՄՆ-ը Չինաստանի նկատմամբ նախագահ Ջո Բայդենի վարչակազմի օրոք գործելու է «ուժի դիրքերից»՝ ապավինելով դաշնակիցներին և հզորացնելով իր ռազմական ուժերը: